Çын, темиçе чěлхе пěлсен те, хǎй тǎван чěлхине савма, хисеплеме, юратма тивěçлě. Кун пек пулма пире Аслǎ Вěрентекенěмěр Иван Яковлев нумай вěрентсе каланǎ. Мěн пěчěкрен калаçса ÿснě тǎван чǎваш чěлхипе пирěн илемлě те яка, таса калаçма хǎнǎхмалла. Çакна Патǎрьелěнчи 2-мěш вǎтам шкулта вěренекен ачасем ака уйǎхěн 20-мěшěнчен пуçласа 25-мěш таран республика шайěнче иртекен «Эпě чǎвашла калаçатǎп!» акцире те çирěплетрěç, хǎйсен илемлě калаçǎвне видео çине ÿкерсе тěрлě интернет уçлǎхне вырнаçтарчěç. Ку акце аслисем çеç мар, кěçěн тата вǎтам классенче вěренкенсем те хастар хутшǎнчěç. Чи маттуррисен шутěнче çаксем палǎрчěç: А. Макарова (2а),
Н.Шайметов (2а), А.Паймина (4а), Д.Митрофанов (5а), Я. Головина (5а), А.Дмитриева (7а), А.Спинов(5б), С.Спинова(8а), С.Цыганова (5б), К.Баюсов (7а), А. Задоров (7б), Е.Хитрова (9а), А.Смирнов (9б), К.Кошкина (9а) тата ыттисем те. Акци малалла тǎсǎлать, хутшǎнакансен йышě ÿсессе шанса тǎратпǎр. Пурне те ǎнǎçусем сунатпǎр!